طريقه صنع الشاورما في البيت بسهوله .

SmS · 02 Jul 2009, 04:58 PM

المقادير..
1- صدور دجاج الكميه الي تحتاجيها انتي اني هني حطيت سته
2- نص كاس زيت زيتون
3-نص كاس عصير ليمون وادا يزيد افضل بعد
4- بهار اسود او ابيض وفلفل احمر وملح
5- وادا تحبي حطي علبة روب زبادي
للعجينه :
3 كاسات طحين
كاس وربع ماء
ملعقه كبيره خميره فوريه
شوي ملح وملعقه كبيره سكر
بيضه
السلطه :
خس مفروم
طماطم مقطع شرائح او مكعبات
مخلل خيار
صلصة
طحينة وشطه وماء مقادير انتي تحدديها على حسب الكم
الطريقه .

1- نحط الجاج في حافظه نصب الزيت والليمون

والبهارات والملح والزبادي ان حبيتي

ونتركهم بالثلاجه يوم كامل افضل واحسن

2- بعد يوم من نقع الدجاج في الخلطه

3- نخد صدور الدجاج على صاج او مقلى تيفال

ونقليه مع شريحة زبده حوالي ربع الزبده ونشويها

لين شوي تتحمر مو شرط تنضج بالكامل لا شوي فقط تحمير

4- نقطع الدجاج شريح مستطيله بعد التحمير الخفيف

1- نخلط الطحين والملح والخميره والسكر والماء

2- نتركها ساعه كامله ونص مني لين تخمر العجين

3- المقدار رح يكفي 15 خبز قسميها بتسوي 15

رح يكون رقيق لا تخافي يخترب عادي لمن تخبزيها

4- بنحتاج صاج تيفال او ادا ما عندج مو مشكله في مقلى تيفال

5- نفرد العجينه الي قطعناها وكورناها وفردناها بالنشابه

مو مهم يكون دائري تمام الي يصير

6- نخبزه ونلحظ بين كل خبز لزوم ننظف الصاج حتى ما يحرق

الخبز ويصير اسود ومر طعمه

8- ناخذ الحين الحشو ونحط الخس والصلصة والمخلل ونلفها عادي

مماراق لي

SmS · 03 Jul 2009, 02:35 AM

احب الشاورما كثير

روووعه الطريقه بس ياليت كان في صور << طرار ويتشرط

يعافيك ربي حبيبتي

SmS · 03 Jul 2009, 04:33 AM

الروعه مرورك غلاتي

ولا يهمك بكرا اسوي لك وارسلك لحد بيتكم

منورة الصفح ـه

SmS · 05 Jul 2009, 09:49 AM

عوافي يالغاليه

لاخلا ولاعدم

SmS · 05 Jul 2009, 09:58 AM

الله يع ـآفيك

منورة الصفحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

طريقه صنع الشاورما في البيت بسهوله .

منتدى اطـايب أحبه

:+: أقـم صـلاتكـ قبـل ممـاتكـ :+: